სიახლის ტექსტი
2023 წლის 22 დეკემბერს, წლის საქმიანობის შეჯამებისას, ნიკო კვარაცხელიას სახელობის ფონდმა აღნიშნა, რომ Hack Days Georgia 2023-მა განსაკუთრებული სიამაყით წარადგინა ნიკო კვარაცხელიას სახელობის პრიზი — The Nico Kvar Prize. პრიზი 2023 წელს პირველად გადაეცა, შემდგომში კი ყოველწლიურად უნდა გადასცემოდა საქართველოს საუკეთესოთა შორის საუკეთესო დამწყებ ტექნოლოგიურ მეწარმეებს.
ჰაკათონის ფარგლებში გრანტი კიდევ ოთხმა წარმატებულმა პროექტმა მიიღო. ღონისძიება საქართველოს ფერმერთა ასოციაციის, ნიკო კვარაცხელიას სახელობის ფონდის, აგროთენქის, ბიზნესისა და ტექნოლოგიების უნივერსიტეტის (BTU), Gagra Ventures-ის, Feedc Georgia-ს, TBC სტარტაპერის, საქართველოს ინოვაციებისა და ტექნოლოგიების სააგენტოს (GITA) და შვედეთის საერთაშორისო განვითარების თანამშრომლობის სააგენტოს (Sida) მხარდაჭერით გაიმართა.
